Tuga it maeain nga paniempo bangud sa habagat, nagpatuman ro Senado it work-from-home (WFH) sa mga empleyado makaron nga adlaw it Martes.
Sa advisory nga ginpapanaog ni Senate Secretary Renato Bantug Jr., nag-awtorisa si Senate President Sherwin Gatchalian nga magpatuman it work from home sa mga empleyado it Mataas nga Kapueungan.
Ro work-from-home arrangement hay sandig man sa Memorandum Circular 128 nga ginpaguwa it Office of the President bangud sa epekto man it mabaskog nga pag-uean ag pagbaha sa Metro Manila tuga it habagat.
Bangud kara, kanselado makaron nga adlaw ro impeachment trial ag ro panghapong sesyon sa mataas nga kapueungan.
Adlaw it Lunes hay temprano nga gintapos ro pagbista ag sesyon sa Senado bangud gihapon sa mabaskog nga uean ag pagbaha.
