Senado, uumpisahan ang imbestigasyon sa umano’y ma-anomalyang sa Flood Control Projects

Nakatakdang simulan ng Senate Blue Ribbon Committee ang imbestigasyon sa umano’y maanomalyang flood control projects sa Agosto 19, 2025.

Pinangungunahan ni Senador Rodante Marcoleta, ang imbestigasyon ay tututok sa umano’y korapsyon sa mga multi-bilyong pisong proyekto sa ilalim ng public works system.

Kasama sa mga iimbestigahan ang mga contractor at mga opisyal ng pamahalaan na umano’y nakinabang sa pondo ng mga proyekto.

Ugat ng imbestigasyon ang pahayag ni Pangulong Ferdinand Marcos Jr. na 20% ng P545 bilyong pondo para sa flood control ay napunta lamang sa 15 contractors.