KALIBO, Aklan — Haum eon ro simbahan sa isla it Boracay sa pagdumdom it Semana Santa nga maga-umpisa sa Palm Sunday.
Sa Biyernes Santo, Abril 19, pagahiwaton sa white beach it isla ro Senakulo o ro pagpakita it importanteng bahin sa kabuhi ni Hesukristo kapareho it ulihing bahin it anang kabuhi, pagpakasakit ag kung paano imaw namatay maghalin sa Barangay Manocmanoc hasta sa Barangay Balabag.
Haeos 51,000 nga turista ro ginasaligan nga maga-adto sa Boracay makaron nga Holy Week.
Nauna eon nga ginpahayag sa Bombo Radyo ni P/Corporal Jane Vega, tagapaghambae it Aklan Police Provincial Office nga nakalatag eon ro planong pangseguridad sa isla bangod sa ginasligang pagbuhos it mga bakasyunista.
Padumdom man kara sa mga turista nga magsunod sa mga layi ag ordinansa agod makalikaw sa multa.
