Kinumpirma ni Sen. Imee Marcos nga naghalin eon imaw sa senatorial line-up it administrasyon. Sa press conference ko Lunes, ginhambae ni Sen.
Imee nga gusto kara nga protektahan ro anang manghod nga si Pangulong Ferdinand Marcos Jr. agod indi raya mabutang sa aeang-aeang.
Suno kay Sen. Marcos, hindi pa niya nakakausap ang kanyang kapatid tungkol sa kanyang desisyon nga naghalin eon sa senatorial ticket it administrasyon imaw man sa anang partido, ro Nacionalista Party (NP).
Samtang, ging pabay-an eaman it Pangueo ro pahayag it igmanghod nga magadaeagan imaw nga kapatid nga independent Senator.
Sa sangka ambush interview, gingpangutana ro Pangueo kung ano ro reaksyon kara sa pahayag it igmanghod nga magadaeagan bieang re-electionist nga naga isaea hanon.
Suno kay Marcos, ayos eamang raya kana bangod natabo eon man ra kana kung siin nagdaeagan man imaw bilang sangka independent sa maaabonga kahigayunan.
Sa panan-aw pa it Presidente, ro desisyon it senador hay para magtao it mas maeapad nga espasyo ag kahilwayan para ayuson ro anang schedule ag sa pamaagi nga gina hamdom nana sa kampanya.
Ginsigurado man ni Pangueong Marcos nga welcome ag nakaagapay pa man ro Alyansa para sa igmanghod kung raya hay magdesisyon nga mag impon kanda sa kampanya.
Ko Setyembre 26, ginanunsyo eon ni Pangueong Marcos ro 12 ka kandidato na nga anang ginaendorso para sa 2025 election kung siin kainahan ro igmanghod na nga senadora apang uwa raya magtuhaw sa okasyon.
