Nagapatigayon it random nga pag ronda ro barangay Council it Bacan, Banga kasunod it serye it mga panakawan sa nasambit nga lugar.
Suno kay Punong barangay Allen Robelo it Bacan, Banga nga bangud sa maka-alarma nga sitwasyon hay insigida nga naghimo it nagakaigo nga aksyon ro konseho partikular ro andang komitiba sa peace and order ag mga barangay tanod.
Nasayuran nga ko nagtaliwan nga mga inadlaw hay naging sunod-sunod ro nagakatabu nga pagsalakay it mga kawatan kun sa siin blangko pa ro mga otoridad sa pagkatawo it mga suspek .
Gindugang pa ni kapitan Robelo nga pila sa anang mga nabaton nga reklamo hay ro pagpasuyop sa gasolina it tangke it mga naka park nga motorsiklo ag tricycle ag ro pag-gutab sa anang pungkuan.
Mag-eowas kara, ginhana man nga ginsueod ag gintakawan ro parehong Bacan Elementary ag National High School.
Ginpahayag pa ni kapitan Robelo nga ko nagtaliwan nga mga domingo hay nakaexperiensiya man it serye it panakawan sa kaiping nanda nga barangay nga may kaparehong modus .