Shi’it Muslim cleric sa Iraq umatras eon sa pagpasakop sa pulitika

Umatras eon sa pagpasakop sa pulitika si Iraq Shi’ite Muslim cleric Moqtada al-Sadr.

Pilang oras matapos ro anang anunsiyo hay nagpatigayun it hub-eag protesta ro anang mga supporters.

Bangud sa mga hub-eag protesta hay nagpatuman it curfew ro Iraqi army.

Gihambaean nanda ro mga protesters nga maghalin eon sa Green Zone para malikawan ro kinagamo.

Si Sadr ro nagdaog ko eleksyon sa Oktubre ag ko Hunyo hay ginpahalin nana ro anang mga mamalidha matapos nga mapas-eawan raya nga makabilog it gobyerno.

Ginbatikos kara ro kaparehong Shi’ite political leaders bangud napas-eawan ro mga raya nga magsunod sa panawagan nga reporma.

Ginsuspende man ni caretaker prime minister Mustafa al-Kadhimi ro cabinet meeting bangud sa nasambit nga protesta.