Kawad-an it respeto sa patay ro naging pahayag ni Vice President Sara Duterte kat hamabaon kara nga kutkuton nana ro bangkay ni dating Pangulong Ferdinand Marcos Sr. ag ieapog sa West Philippine Sea kun padayon ro pag-atake kontra kana.
Suno kay Fr. Joel Saballa it Diocese of Novaliches, importante ro pagpakita it respeto sa mga namatay nga, base sa turo it Simbahang Katoliko.
Pahayag ni Saballa, ro anuman nga pagpahayag nga nagataguyod it mga tikang kapareho kara hay indi makabulig sa pagpagbilin it pagilintindihanay ag respesto sa sosyodad.
Laygay ni Saballa kay VP Sara nga importante nga mapabilin ro dignidad ag respeto, bukon eamang it sa mga buhi kundi pati eun man sa mga namatay, eabi eun sa kontekstong makaraya may kaangtanan sa sangka dating lider it nasyon.
Ginpunto man ni Saballa, ro importansya it matawhay nga pag-istorya ag bukon it mga patutsada.
Nagpanawagan si Saballa nga balikan ro mga turo it Simbahan parte sa malasakit, pagpatawad ag pagrespeto sa dignidad it kada sambilog.
