“dumdumon ro pagpalangga it Diyos.”
Raya ro ginpahayag ni Fr. Tudd Belandres, kora paroko it St. John The Baptists Cathedral sa mga tumueu-o kadungan sa selebrasyon it semana santa.
Ginpamilit ni Fr. Tudd nga gintaw-an it importansiya ni Hesukristo ro relasyon sa mga tawo , kun sa siin maskin nga nagkasaea kita hay haum imaw nga magpatawad.
Ginhalimbawa pa ni Fr. Tudd ro nangin experiensiya ni Hesus nga maskin gin aywan imaw it anang mga apostoles ag ginpanginwaea it anang suod nga amigo nga si pedro, apang mas nagpangibabaw kana ro anang pakikipagrelasyon kanda.
Kadungan kara, gin hangkat ni Fr. Tudd ro kada tumueu-o nga pirmeng dumdumon ro mga nina nga naangkon ni Hesus kat gin-eansang sa krus agud nga eowason kita sa kasae-anan.
Makaron nga Miyerkules Santo hay bilog nga adlaw ro ginapatigayon nga confession ukon kumpisalang bayan .
Angot kara, gina engganyo it simbahan ro tanan nga magkumpisar agud nga ma-practice ro humility ukon pagpa-ubos pinaagi sa pag aku sa mga saea nga naobra.
Importante man sigon nga ro kada isaea hay magtambong sa mga misa agud nga eubus nga maintindihan nga ro importante sa tanan hay ro pagkatawo, kabuhi it pamilya ag dungog it mga unga nga makabig nga matuod-tuod nga manggad nga owa it presyo.
Tuearon man suno kana ro ginhimo nga paghinoesoe ag pagbalik sa sabak it Diyos ni Hudas matapos nga pamaeandungan ro kasae-anan nga naobra.
