KALIBO, Aklan—Bilang kaparte it security preparation, nakataeana nga magapatigayon it simulation exercises ukon SIMEX ro Batan Municipal Police Station para sa posibleng worst-case scenario sa pag-umpisa it filing it certificates of candidacy ukon COC sa maabot nga Oktubre 1 hasta 8 it makaron nga dag-on.
Raya hay para sa 2025 National and Local Elections sa Mayo 12.
Angot kara, ginklaru ni P/Capt. Gilbert Batiles, hepe it Batan MPS, sa makaron hay owa sanda it nakikita nga anuman nga paeag nga makadisturbo sa nagahilapit nga pagdihon it COC it mga kandidato sa andang banwa .
Ro exercise hay pagahimuon sa taeatapan it Commission on Elections ukon Comelec sa nasambit nga banwa .
Dugang pa nga pilang drills ro andang paga-obrahon sa posibleng scenario nga matabu base sa andang assessment sa lugar nga andang nasakupan.
Makikipag angot man sigon sanda sa natungdan nga ahensiya it gobyerno para sa pagpahaum sa sang domingo nga election activity.
Sa SIMEX makita ro kadasigon sa pagresponde it mga kapulisan sa mga insidente nga posibleng matabu.
