Masami nga naeeksperyensyahan makaron nga dry season ro pag-angkon it skin illnesses.
Suno kay Dr. Pearl Sherrienne Legaspi, fellow it Philippine Dermatological Society, mageuwas sa sunburn hay maabo pang skin problems nga pwedeng maangkon makaron nga panyempo. Una eon kara ro bungang-araw, an-an, pigsa, ag iba pa. Ro sunburn hay masami nga naaangkon it mga indibidwal nga nababad it mabuhay sa init it adlaw.
Dugang pa ni Dr. Legaspi nga ro mga pumueuyo nga nagatrabaho sa idaeom it sikat it adlaw hay masami man nga mag-angkon it bungag-araw nga naga-umpisa eamang sa pagpangatoe ag pagpamuea bangud sa hueas. May una man sigon nga skin cancer kun sa siin nagaeutaw eamang ukon nakikita eamang sa edad nga 50s-60 years old.
Pahayag dugang ni Dr. Legaspi nga may mga skin cancer nga posibleng makaapekto sa iba pang parte it atong pangeawason, kapareho it gintawag nga Melanoma.
Padumdum man nana nga kun indi malikawan nga mag painit, eabi eon ro mga nagatrabaho sa idaeom it sikat it adlaw, mageuwas sa pagpahid it sunblock ukon sunscreen, mag gamit eon lang it proteksyon sa init kapareho it kaeo ukon longsleeves nga mga eambong. Indi man sigon pagkalipatan nga mag inom it vitamins eabi eon ro vitamin c para pang protekta eon man sa ikamayad nga eawas.
