KALIBO, AKLAN – Sangka padre de pamilya ro nagdangop sa Kalibo PNP station matapos nga may nakita nga sangka slug halin sa ginadudahan nga nagtaeang nga bala sa sueod it andang baeay sa Sto. Nino Village sa General Luna ST. Poblacion Kalibo .
Sa interview it Bombo Radyo, ginpahayag ni Nelson Cuadernal, residente it nasambit nga lugar nga mabahoe ro anang pagpasaeamat bangud nga maswerteng owa it natamaan it nagtaeang nga bala nga halin sa .45 calibre nga baril sa anang pamilya partikular sa anang mga unga matapos nga raya hay makit-an sa mismong gina-eugban it anang mga unga .
Suno kana nga nakita ro slug ko selebrasyon it bag-ong dag-on, apang pagka-aga pa nana raya na-report sa kapulisan bangud nga owa eagi nagsugid kana ro anang mga unga ag ginhampangan nanda raya .
Gindugang pa ni cuadernal nga may nakita nga gabot sa andang bungbungan nga posibleng gin-agihan it nagtaeang nga bala.
