Naging mayad ro performance it Automated Counting Machines sa ginpatigayon nga test run it Commission on Elections sa Batangas antes ro 2025 midterm elections.
Suno kay Comelec Spokesman Atty. John Rex Laudiangco, sa test run it mga makina sa Rizal College sa Taal, Batangas hay naging “flawless” ro daeagan it mga demonstration machine it bag-ong makina.
Kun igakumpara sa mga nagtaliwan nga Vote Counting Machines ag Precinct Count Optical Scan ukon PCOS machine it Smartmatic, mas madasig ag may mas manami nga mga feature ro ACMs.
Suno pa kay Laudiangco, masyadong madasig ro pagbasa it makina ukon 200 millimeters per second kumpara sa dating 70 millimeters per second eamang.
Dagdag pa it opisyal, ro ACMs hay may an-um nga servers para sa mas mayad nga transparency.
Kaibahan sa servers ro media, Comelec, PPCRV, NAMFREL, dominant majority party ag dominant minority party, kun sa siin ro server it Comelec hay naka-mirror sa Department of Information and Communications Technology, real time, mag-eowas pa sa iga-upload it real time sa election results website.
Ginklaru man it Comelec nga owa it opsyon para sa botante agud nga itama ro anumang pgkasaea sa andang balota kon raya hay naisumite eon kun sa siin sangka balota eamang ro gintaeana sa kada botante.
Mag-eowas eon lang sigon kon ro problema hay mismong balota ukon makina, dikara eamang makaangkon it kahigayunan nga bayluhan ro mga balota.
