Nagaabot sa sobra 3,000 ro stranded sa mga pantalan sa mga lugar nga apektado it bagyong Kristine.
Sa maritime safety advisory it Philippine Coast Guard (PCG) ku aga-aga it Martes, Oktubre 22, nagsaka eun sa 3,418 pasahero, truck drivers, ag cargo helpers ro ngapabilin sa mga pantalan.
Stranded man ro 678 rolling cargoes, 26 vessels ag 11 motorbancas samtang 54 sakayang pandagat pa ag 67 motorbancas ro nakahimpil sa eain it tyempo daea it bagyo
Partikular nga apektado it bagyo ro pilang bahin it Pilipinas kaibahan ro Southern Tagalog region, Northwestern Luzon ag Eastern Visayas.
Nauna eun nga ginpaidaoem it Philippine Coast Guard (PCG) ro andang mga district stations pati man ro PMOs it Philippine Ports Authority (PPA) agud masiguro ro kaeuwasan ag seguridad it mga pasahero samtang nagatuhaw ro maeain nga panyempo sa nasyon.
