Hugut nga ginabantayan it Cybercrime Investigation and Coordinating Center (CICC) ro mga post sa social media angot sa insidente it pagpamaril sa sueod it Ateneo de Zamboanga University, adlaw it Martes, Agosto 18.
Kaibahan kara ro nagakalhit nga footage it pagpamaril sa sueod it nasambit nga unibersidad, para indi eon magtuga pa it panic sa publiko ag para indi eon magamit sa pag-iimpluwensiya sa iba.
Nakipag-angot eon man ro CICC sa mga nagakaigo nga ahensya, stakeholders, ag sa Meta, para insigidang ma-take down ro nasambit nga footage ag para makapatuman it mga nagakaigo nga tikang.
Panawagan it CICC sa publiko, indi eon mag-repost it mga video it nasambit nga insidente, ag giyahan it mga ginikanan ro paggamit it social media ag gaming platforms it andang mga unga, eabi eon ro mga menor de edad.
