Ginpakigbahin ni Senate President Vicente “Tito” Sotto III ro anang huna-huna may kaangtanan sa pagpili sa masunod nga pinuno it mataas nga kapueungan it Kongreso.
Sa tunga ra it mga espikulasyon nga may napili eon ro mga senador nga iga-ilis kay Sotto para sa 19th Congress.
Para sa lider it kapueungan, bukon man sigon it kinahangean nga abogado ro mangin masunod nga presidente it Senado./
a kamatuoran, maskin sigon imaw hay bukon it abogado, pati eon man ro iba pa nga Senate president kapareho nanday Manny Villar ag Blas Ople.
Apang kung gusto man sigon it mga miyembro nga abogado gid ilihir nga lider, una man sigon sanday Sens. Sonny Angara, Pia Cayetano ag Francis Tolentino, nga paearihong mga attorney-at-law.
Dugang pa ni Sotto nga ro mga nagabalik sa Senado nga sanday Francis “Chiz” Escudero ag Alan Peter Cayetano hay pareho man nga abogado ag nagbuyot man it ibang posisyon.
Sambilog sa matunog nga pangaean para sa magabakanteng puwesto ni Sotto hay si Sen. Cynthia Villar.
Samtang maeagko man ro tyansa ni Sen. Imee Marcos nga mabuoe ro posisyon, dugang pa nga manghod kara ro presumptive president Bongbong Marcos.
Iga-ilihir ro masunod nga Senate president sa Hulyo 25, nga kung siin pagabuksan it masunod nga regular session sa Kongreso.
