KALIBO, AKLAN — ISO certified eon ro Sangguniang Panlalawigan it Aklan.
Raya hay pinaagi sa ISO 9001:2008 nga gin sertipikahan it TUVRheinland.
Naga kahueogan nga pasado ro SP Aklan sa international standards nga gin taeana it ISO 9001:2008 partikular eon sa pagpatigayun it processes, steps ag systems nga gina require sa functions it SP Secretariat sa Legislative Support Services, Records Management and Archiving, Administrative Services and Minutes ag Journals Documenting.
Nasayuran nga ro SP Aklan hay sambilog sa pilang ka mga taeatapan sa probinsiya nga naga komporme ukon nakakasunod sa ISO standards kamana man nga pinakauna ag solohanan sa taeatapan it gobyerno nga nakaangkon it ISO certification.
Naggowa ro certification ku Pebrero 14, 2017 sa kasagsagan it maeapit eon lang makumpleto nga construction it two-storey legislative building nga nahamtang sa sueod it provincial capitol compound kaiping eamang it dating SP building.
