Nagpatuman it Flexible Work Arrangement (FWA) ro Sangguniang Panlalawigan it Aklan para sa mga empleyado kara sandig sa Memorandum Circular No. 114, bilang suporta sa pagtipid sa enerhiya ag mas episyenteng paggamit it mga resources it gobyerno.
Sa idaeom it bag-ong patakaran, onsite nga magasueod ro mga empleyado halin Lunes hasta it Huwebes alas-8:00 it agahon hasta alas-5:00 it hapon samtang work-from-home mat-a kada Biyernes.
Insigida raya nga ginpatuman ag magapabilin hasta sa may bag-ong abiso.
Suno sa mga opisyal, tuyo it nasambit nga tikang nga mapabilin ro tayuyon nga serbisyo publiko samtang ginasuportahan ro mga inisyatibo it gobyerno sa energy efficiency.
Apang, ginlaygayan ro publiko nga mag-iskedyul it transaksiyon halin Lunes hasta it Huwebes agud masiguro ro maayos nga pagproseso it andang mga apela.
Samtang, magapabilin nga normal ro operasyon it emergency, medical, ag security services it Sangguniang Panlalawigan it Aklan.
