KALIBO, Aklan–Napabilin it Sangguniang Panlalawigan it Aklan ro pagiging certified it ISO 9001:2015 maghalin sa TÜV Rheinland (TUVR) Philippines kasunod it madinaeag-on nga pagkapasa sa recertification audit nga ginpatigayon ko December 21, 2022.
Suno kay Mr. Odon Bandiola, consultant it SP Aklan nga pamatuod eamang raya nga organisado ro pagdumaea it legislative body.
Bugae it Sangguniang Panlalawigan it Aklan bangud nga raya eamang ro LGU office sa Western Visayas nga accredited it ISO standards.
Ro pagpabilin sa ISO 9001:2015 certification hay buot hambaeon nga na-maintain ro Quality Management System (QMS) nga ginakaeakipan it Administrative ag Legislative Support Services it Sanggunian kon sa siin ginasigurado ro consistent level it quality service sa mga kliyente.
Samtang sa pihak nga parte, bandang alas-10:00 it agahon makaron nga adlaw it Biyernes hay magapatigayon it special session ro plenaryo kasunod sa urgent request ni Aklan governor Joen Miraflores nga magsueod sa memorandum of agreement kaibahan ro Department of Health ukon DOH para sa implementasyon it universal health care law sa probinsya it Aklan.
