KALIBO, Aklan–Nailihir bilang Vice Chairperson for Visayas Island si 2nd District board member Jay Tejada sa ginpatigayon nga Provincial Board Members League of the Philippines’ 31st National Convention and Election of National Officers sa Manila Hotel ko Lunes, Pebrero 27.
Suno kay Tejada nga mabahoe nga dungog para kana nga mailihir sa nasambit nga posisyon.
Nabutang bilang regional chairman si Board Member Atty. Ananias “JUN” Canlas ag ro national president hay si cavite board member ram revilla, ro kamanghuran nga unga nanday Senador Bong Revilla Jr., ag Cavite 2nd District Congressman Lani Mercado-Revilla.
Haeos kompleto sigon ro tanan nga mga board members halin sa aklan nga nagtambong.
Mag-eowas sa region 6, sakop man nana ro region 7 ag 8 nga kinahangean nana nga libuton kada may island conference.
Nagapangunang katuyuan sigon it convention nga mapadayun ro andang pagtuon sa andang trabaho ag responsibilidad bilang mga legislators sa paghimo it mga laye ag polisiya nga makabenepisyo sa andang mga nasakupan kamana mna nga ma-promote ro kamaeayran it andang komunidad.
Mayad suno kana nga may liga agud nga maipaabot ro andang boses sa national board sa mga pueong nga pagahiwaton.
Sambilog si senador Revilla sa naging dinapit nga bisita sa nasambit nga event kun sa siin nagtau man imaw it anang mensahe.
