KALIBO, Aklan–Mas pang pagapabakugon ro agrikultura sa probinsiya it aklan agud nga mapataas ro food sufficiency sa tunga it mataas nga presyo it produktong petrolyo tuga it nagapadayun nga giyera sa tunga it Russia ag Ukraine.
Raya ro ginpahayag ni board member Nemesio Neron bilang chairman it committee on agriculture and aquatic resources it 19 sangguniang panlalawigan.
Suno kana nga mag-eowas sa turismo, ro agrikultura ro nagapanguna man nga pangabuhian it mga pumueuyu sa probinsiya.
Kaibahan sa anang plano ro pagpatigayon it food summit kun sa siin paga-imbitahan ro natungdan nga ahensiya it gobyerno agud nga maistoryahan ro angot sa food security.
Pagatalakayon man sigon kon paalin nga mabuligan ro mga mangunguma, mangigisda ag mga naga-alaga it kasapatan.
Makabulig man suno kana ro bag-ong laye nga gindihon ni aklan 1st district congressman carlito marquez angot sa pag-obliga sa mga local government units ukon LGUs nga magtukod it kooperatiba agud nga ma-neutralize ro presyo it mga farm products partikular ro paeay nga kaeabanan nga ro presyo hay gina-control it mga middleman ukon mga bentahosong negosyante.
Ro kooperatiba suno kana ro maga-usoy it mga buyers agud nga ro produkto it mga farmers hay mabakae sa angay ag bagay nga presyo.
Sa pihak nga parte, gindugang pa ni Neron nga bilang chairman it sambilog pang komitiba nga committee on disaster, peace and order, pagapadayunon suno kana it provincial government ro mga best practices kara pag abot sa disaster response ag pag-preserve sa law and order.
Ginpasiguro man nana nga may bastanteng pondo, kagamitan ag food packs ro gobyeno probinsiya sa anuman nga kalamidad nga magatuhaw. Ginhalimbawa nana ro kahauman it probinsiya sa pagtama it covid-19 pandemic.
