KALIBO, Aklan–Puno it kasadya nga ginselebrar it mga pumueoyo sa Espanya ro bag-ong dag-on.//Maabu nga mga tawo ro tumutok sa television ag nagtililipon sa sentro it Madrid agud nga abangan ro last 12 seconds sa pagtapos it 2022.
Suno kay Bombo International Correspondent Maria Edzel Lamparero Lopez nga nakaugalian eon it mga Espanyol nga hueaton ro pagguwa it lingganay nga may sangka mabahoe nga relo.
Apisar nga owa it masyadong makit-an nga mga bonggang putahe ag handa sa lamesa, ro importante hay may una nga 12 ka mga ubas ro kada pamilya.
Kun siin, sa kada bagting it lingganay pagakan-on ro kada butil it ubas.
Ro kada butil sigon hay nagakahueogan it sang buean nga swerte.
Samtang, nagasuksok man sigon sanda it mga manami nga eambong kadungan it pagsug-aeaw it bag-ong dag-on.
