Nakipagpueong si Speaker Ferdinand Martin G. Romualdez sa anang Japanese counterpart nga si Speaker Fukushiro Nukaga, sa Tokyo kon sa siin nakasugtanan nga suportahan ro kapin pang pagpabaskog sa bilateral relations it Pilipinas ag Japan.
Suno kay Speaker Romualdez, ro bilateral relations sa tunga it Pilipinas ag Japan hay ginakabig nga all time high.
Napamatud-an suno kana it Pilipinas nga ro Japan bilang sangka masaligan nga partner sa nagkaeain-eain nga linyada kaparehas it official development assistance (ODA), maritime security initiatives, ag pagtaguyod sa pag-umwad ag kalig-unan it rehiyon.
Nagpasaeamat mat-a si Speaker Nukaga kay Speaker Romualdez sa pagkilaea kara sa bulig nga gintao it Japan.
Madumduman nga bumisita si Pangueong Ferdinand R. Marcos Jr. sa Japan ko Pebrero 8-12, 2023 kon sa siin nakaistorya nana si Prime Minister Kishida Fumio ag nakipagkita kanday Emperor Naruhito ag Empress Masako.
Samtang, si Prime Minister Kishida hay nag-adto man iya sa Pilipinas ko Nobyembre 3-4, 2023.
