NATIONAL News — Gin-imbitahan it House Committee on Human Rights si dating Presidente Rodrigo Duterte kaibahan si Senador Ronald dela Rosa agud nga magsabat it mga pangutana angot sa andang an-um nga dag-on nga drug war nga nagresulta sa kamatayon it linibo nga mga tawo.
Ginapa-tambong man nga mangin resource person si dating Senador Leila de Lima, sambilog sa mga matunog nga kritiko it madinugu-on nga anti-narcotics campaign ni Duterte.
Madumduman nga ko Lunes, Hunyo 24, napahilway eon si De Lima sa tanan nga mga kaso nga ginpasaka kontra kana it nagtaliwan nga administrasyon ni Duterte.
Nagapati ro kampo ni former Justice Secretary De Lima nga ro mga drug charges nga ginpasaka kontra kana hay baeos kana ni Duterte kasunod it anang pagbulgar sa mga nagakatabo nga drug war ag ro pag-imbistiga man nana sa vigilante-style killings it ginkilaea nga Davao Death Squad sa lugar it dating presidente.
Nagapahaum eon ro panel it Kamara de Representantes para sa posible nga pag-atubang nanday De Lima ag Duterte.
