Patay eun kat nasapwan ro sangka misis sa guwa mismo it anang baraka alas-12 dose Enero 7 it aga’aga sa may Crossing Buswang banwa it Kalibo.
Maabo ro haagom ka nina it babayi sa eawas nga naging rason ku anang hinali nga kamatayon.
Nakilaea ro uwat kabuhi nga biktima nga si Marissa Flores, 44 ayos.
Sa makaron padayon pa gihapon ro ginahimo nga imbestigasyon it mga kapulisan pero nagpakita nga nagsukoe sigon ro biktima sa mga suspek.
Masayuran nga uwa man it habueo ro mga susek sa Baraka ni Flores.
Nakasakay sa motorsiklo ro mga suspek ag madasig nga nagpaeagyo.
Samtang, agud madali nga matumod ag madakpan ro mga suspek hay nag’promisa it P25,000 nga reward ro alkalde it banwa nga si Mayor Juris Sucro para sa kung sin-o man ro makaturo kanda ag magkooperar sa mga kapulisan.
