NATIONAL News — Gin-anunsyo it Department of Education (DepEd) nga maga-umpisa ro klase para sa School Year 2025–2026 sa mga pampublikong eskwelahan sa June 16, 2025.
Ro pagbalik sa dating kalendaryo it klase hay nakabaehag sa DepEd Order No. 12, Series of 2025.
Magabuhay ro school year hasta sa March 31, 2026, ag may 197 nga adlaw it klase, kaibahan ro End-of-School-Year (EOSY) rites.
Apang, pwede pa raya nga magabag-o depende sa mga owa ginaeauman nga hitabu ukon masunod nga mga direktiba.
Nakataeana ro enrollment ag Brigada Eskwela activities umpisa June 9 hasta 13, sang domingo antes nga maga-umpisa ro klase.
Ro nasambit nga tikang hay kasunod it pag-apruba ni Pangueong Ferdinand “Bongbong” Marcos Jr. ko nagtaliwan nga dag-on agud nga ibalik ro tradisyonal nga kalendaryo it klase umpisa Hunyo hasta Marso.
