KALIBO, Aklan — Naga-abot sa 27 ro nailistang sunog umpisa Enero hasta Abril it makaron nga dag-on sa bilog nga probinsiya it Aklan .
Raya ro ginpahayag ni FO2 Mark Alvin Patricio, Public Information Officer it Bureau of Fire Protection (BFP)-Aklan .
Base sa datos, kaabuan sa mga nasunog hay mga residential ag may mga natabu man nga grass fire bangud sa sobrang kamaea it palibot tuga it mainit nga tiempo.
Sa buean it Abril hay nakalista it 6 nga insidente it sunog .
Nagapabilin nga ro depektibong koneksyon it kuryente , sigarilyo ag kalan ro tatlong nagapangunang ugat it sunog .
Sa mayad nga swerte suno kana nga maskin nga may mga naninahan sa fire incident hay owa man it may nailistang namatay .
Sa pihak nga parte, ro mga banwa suno kana nga under construction ro fire station hay ro Makato nga madali lang matapos, Malinao ag Madalag.
Pirme man sigon nanda nga ginapadumdum ro fire safety tips sa mga komunidad.
