Padayun pang gina-imbestigahan it Bureau of Fire Protection (BFP)-Boracay ro nagtuhaw nga sunog sa sangka residential area pasado ala-1:00 makaron nga hapon sa Sitio Bantud, Brgy. Manocmanoc sa isla it Boracay.
Suno sa video uploader nga si Jophil Coching Martin nga madasig man nga natapna ro sunog bangud sa insigidang pag-responde it mga bumbero.
Makita sa video nga gin-upload ni Martin sa anang facebook ro madamoe nga asu halin sa lugar kung siin nagakatabo ro sunog.
Ginasugid nga idtu imaw sa Magic Island ag ginpakamayad nana nga magpatigayun it live video sa anang social media.
Kaeabanan sigon sa mga naka-istar sa nasambit nga residential area hay anang mga paryente.
Samtang, nagpangayo man raya it bulig sa publiko bangud nga ro sambilog sa pamilya it naapektuhan it sunog hay presenteng naka-confine sa sangka ospital sa banwa it Kalibo.
Base sa inisyal nga imbestigasyon, naga-abot sa 15 nga mga panimaeay ro naapektuhan it sunog kung siin sambilog ro partially damage.
Owa man sigon it naireport nga naninahan sa insidente.
Sa makaron, padayun pang ginatumod it mga fire investigators kung siin ag ano ro gin-umpisahan it kaeayo.
