KALIBO, Aklan — Owa pa it kaso it ginatawag nga “super flu” sa Pilipinas, sa pihak it mga napabalita nga pag-abu kara sa Estados Unidos ag Europa.
Suno kay Dr. Philip Ian Padilla, public health expert nga ginkumpirma it Department of Health nga nakalista eamang ro nasyon it ginatawag nga AH3N ukon Subclade K nga klase it trangkaso umpisa ko Agosto 6 hasta Oktubre 24, kun sa siin tanan nga mga pasyente hay nagmayad eon.
Ginduea man nana ro pagkabaeaka bangud nga ro Subclade K hay bukon it grabeng kaso kumpara sa ordinaryong trangkaso.
Dugang pa nga kapareho eamang raya sa seasonal flu ag epektibo ro mga presenteng influenza vaccine kontra sa Subclade K.
Agud nga malikawan ro trangkaso, ginlaygay ni Dr. Padilla ro pirmeng paghugas it alima, magpabakuna, mag-inom it vitamins, mag-inom it maabu nga tubi, makaangkon it bastante nga tueog, ag eabaw sa tanan pabaskugon ro immune system.
