KALIBO, AKLANON — Kumpirmado nga 38 nga mga centenarians ukon ro mga lola ag lolo nga naga pang idaron it 100 years old pataas ro maga baton it P100,000 nga benepisyo maghalin sa national office it Department of Social Welfare and Development (DSWD).
Gin pahayag ni Mr. Levni Inocensio, Social Officer I it Provincial Social Welfare and Development Office (PSWDO) nga kasunod raya it pag apruba sa Centenarians Act of 2016.
Nasayuran nga sa bug-os nga Western Visayas ag Negros Region hay naga abot sa 360 ro centenarians ag may kabilogan nga budget it 36 million pesos nga natigayun sigon nga ma-download sa DSWD Region VI apang, owa pa it pinal nga mandu kun san-o iga release.
Naga eaum man si Inocensio nga ma-release insigida ro benepisyo it mga centenarians bangud 38 eon lang ro buhi sa mga raya sa 46 dati nga kumpirmadong buhi.
Waeo sigon sa mga raya hay nagtaliwan eon sa pihak nga kinabuhi ag makabaton eamang it plake ro andang pamilya bilang pag-rekognisa kanda.
Agud ma-avail ro benepisyo, kinahangean eamang nga kumpletuhon nanda ro mga requirements nga gina pangayu kanda.
Samtang, gina sugid nga naga abot eon sa 116 anyos ro pinakamagueang nga sangka lolo nga residente it banwa it Kalibo samtang, ro 113 anyos nga mga centenarians nga naga pangabuhi pa hasta sa makaron hay naghalin sa mga banwa it Banga ag Libacao.
