Ginpahayag it sangka agicultural sector stakeholder nga apisar stable ukon bastante ro suplay it itlog sa nasyon hay ginaeauman nga magataas sa gihapon ro presyo kara.
Ginhimu ni Livestock under the Philippine Council for Agriculture and Fisheries chairperson Arnulfo Frontuna aro nasambit nga pahayag sa ginpatigayon nga pagpamati it House Committee on Agriculture and Food.
Paathag it stakeholder nga ro ginaeauman nga pagtaas pa it presyo it mga itlog hay bangud sa mataas nga cost it inputs.
Suno kay Frontuna padayon nga nagataas ro presyo it mais, soya ag iba pang feed ingredients.
Mag-eowas pa kara, ro problema sa transportasyon hay nakakaapekto man sa mga suplay bangud may mga lokal nga gobyerno nga ginabawalan ro pag-transport it poultry products bangud sa pagkabaeaka nga may daea rayang masakit kapareho it bird flu.
Apisar nga naeubtan sigon nanda ro sentimyento ngara it LGUs dapat sigon nga magplastar it nagakaigo nga mga tikang para masabat ro problema sa supply chain.
Madumduman nga umpisa pa ko nagtaliwan nga dag-on, ro presyo it mga itlog sa nasyon hay padayon nga nagatinaas kung siin ginabasue it mga producer ro mataas nga cost it feeds.
