BANGA, Aklan—Hugut nga ginpamalibaran it ginaturo nga rapist nga si Stanley Mercado nga ginhimuslan nana ro 17 anyos nga tagreklamo .
Suno kana nga maskin ro mga bagay nga narekober sa anang bag kapareho it eambong it babaye, baril ag cellphone nga gina alegar nga anang gintakaw halin sa biktima hay owa nana ginapanag-iyahan.
Naghalin sigon imaw sa Bacolod pagkatapos nga magpaidaeum sa training bilang conductor sa sangka kilaeang bus company ag magapa-uli eon kunta sa Mindoro kat maka-agi sa banwa it Tangalan.
Ginpahayag dugang nga nakataeana eon kunta imaw nga magasueod sa trabaho sa Pebrero 10 rason nga nakasuksok it uniform it nasambit nga bus company .
Sa makaron hay gina-usisa it kapulisan sa Vallacar Transit kon minatuod ro mga ginpahayag it suspek nga trainee nanda raya.
Sa pihak it anang pagpamalibad, positibo imaw nga ginturo it biktima nga nag-rape kana.
