KALIBO, Aklan — Dapat eon nga arestuhon si suspended Bamban Mayor Alice Guo agud nga indi makaguwa it nasyon.
Raya ro ginpahayag ni dating Sangguniang Panlalawigan member ag political analysts sa Aklan nga si Atty. Harry Sucgang .
Kasunod raya it pagka-match it anang finger prints, sa sangka nagahingaean nga ‘Guo Hua Ping’ nga sangka Chinese national.
Kinahangean suno kana nga mapuga it husto si Mayor Guo agud nga ikasugid nana kon sin-o kana ro nagtau kana it mga dokumento agud paguwaon nga imaw hay Filipino pinaagi sa paggamit it ibang pangaean.
Gindugang pa ni Atty. Sucgang nga pwedeng ipa-ulihi eon lang ro pagdihon it quo warranto case it Solicitor General kontra sa alkalde nga ro nagapangunang katuyuan hay agud nga ma-disqualify imaw sa public position.
Sa makaron hay ginahueat eon lang ro pagguwa it arrest order kontra sa suspendidong alkalde.
