SPORTS —- Tanan nga siyam nga Pinoy boxers nga magasabak sa 31st Southeast Asian Games sa Vietnam hay sigurado eon nga makaangkon it bronze medal matapos nga umabanse sanda tanan sa semifinals sa andang natungdan nga mga dibisyon.
Ginpiere ni Tokyo Olympics silver medalist Nesthy Petecio ro kaengkwentru nga Burmese nga si Kay Thwe Nyein ko Miyerkoles rason nga sumaka sa women’s 60kg ukon lightweight division semifinals.
Ro kaparehong Tokyo Olympian ni Petecio nga si Irish Magno hay nakataeanang paga-atubangon ro Indonesian boxer para sa semifinals sa women’s 51kg ukon flyweight category makaron nga adlaw it Biyernes.
Kaibahan pa sa sumabak nga boksingero sanday Tokyo Olympics bronze medalist Eumir Marcial; 2016 Rio Olympian Rogen Ladon; Ian Clark Bautista; James Palicte; Marjon Piañar; Riza Pasuit ag Josie Gabuco.
Nagpadaea ro Philippine boxing team it 10 nga mga players sa Vietnam, apang ginkansela ro women’s 75kg ukon middleweight division tournament bangud sa pag angkon eamang it daywang ka entries, kun sa siin sambilog kara ro Filipina boxer nga si Hergie Bacyadan.
