POLICE Report — Patay ro sangka 46-anyos nga eaeaki matapos maeumos kat ginhana nga buligan ro anang nagakaeunod nga unga sa baybay sa Brgy. Sived, Sto. Domingo, Ilocos Sur.
Suno sa mga otoridad, ro biktima hay sangka bus conductor, residente it Brgy. An-annam, Bantay sa nasambit nga probinsiya.
Nasayuran nga samtang nagapaligos sa baybay ro anang unga nga eaeaki hay nataeupangdan kara nga raya hay nagakaeumos rason nga insigida nana raya nga gintabangan.
Sa pihak kara, ro mag-ama hay parehong gin-anud it mabaskog nga current it tubi.
Nakita man it sangka gumankon it eaeaki ro hitabu rason nga insigida kara nga ginhana nga eowasan ro mag-ama apang ro unga eamang it biktima ro nahimo kara nga eowasan bangud sa mabaskog nga humbak it tubi.
Tatlong tanod man sa nasambit nga barangay ro nagbulig kat masayuran nanda nga owa nasalbar ro biktima.
Kat mabo-oe sa tubi ro biktima, gindaea raya sa Ilocos Sur District Hospital sa Magsingal, Ilocos Sur.
Ro biktima hay gindeklarang dead on arrival it nagtatap nga doktor.
