Gin-arado it sangka tricyle ro tatlong ka mga behikulo nga nakaparking sa karsadahon it Diversion Road nga sakop it Brgy. Tigayon, Kalibo kahapon bandang alas-2:45 it pang-orason.
Base sa inisyal nga imbestigasyon it Kalibo Municipal Police Station nakatueugan ro driver it tricycle nga ginkilaea kay Urbano Cruz, 70-anyos ag residente it Brgy. Andagao, Kalibo samtang nagamaneho.
Apang, sa pihak nga imbes magpundo si Urbano bangud sa aksidente hay nagdiniretso pa sigon raya it pagpadaeagan sa anang tricycle ag nagpaeagas sa mga tag-iya it behikulo nga anang ginpang-arado.
Sa mayad nga swerte mga gasgas eamang ro naangkon it mga biktima nga ginkilaea kanday Arvin Braulio, Winzin Abao, residente it Capitol Site sa banwa it Kalibo ag si Byron Gumboc, residente it Brgy. Andagao, Kalibo.
Suno sa Kalibo-PNP nga nagkasugot eon lang ro mga magtimbang nga parte ag owa eon nagpasaka pa it nagakaigo nga kaso kontra kay Urbano.
Insigida man nga ginrelease ro tricycle ni Urbano matapos nga kompleto man sigon raya sa dokumento.
