Kalibo Aklan ——-Nagapangatubang sa kasong pag-eabag sa Anti-illegal Gambling Law ro tatlong kaeaeakin-an matapos nga maaktuhan it pulisya nga nagapatigayun it pagbueo-bueo it mga manok bandang alas 5:20 kahapon sa Brgy. Gibon, Nabas.
Nakilaea ro mga nadakpan nga sanday Ropel Sabron, 63-anyos, Erwin Venus, 34-anyos ag Carl Amaranto, 27-anyos, parehong residente it nasambitang lugar.
Base sa imbestigasyon it Nabas PNP, may nagtimbre sigon kanda nga may nagapapueok it manok sa lugar rason nga insigidang ginrespondehan kung siin nadakpan sa akto ro tatlo nga iligal nga nagapabueo-bueo.
Narecover sa lugar ro kwarta nga nagabalor it 1, 050 pesos nga nagserbing taya kamana man ro daywa ka mga manok ag pilang mga tsinelas it ibang indibidwal nga naging tumaean-aw.
Ro tatlo hay presenteng nakakulong sa Nabas Municipal Police Station ag nakataeana nga iga-inquest para sa nagakaigo nga disposisyon.
