NATIONAL News —- Gin-umpisahan eon it National Privacy Commission (NPC) ro imbestigasyon sa naga-grabeng text scams nga may kaibahan eon makaron nga pangaean it subscriber.
Sa sangka sueat, ginpahayag ni NPC Commissioner John Henry Naga nga hugut nga gina-monitor it anang ahensiya ro pagkalhit it unsolicited text messages.
Nakikipag-angot eon sigon sanda sa NPC sa mga key stakeholders para suk-ean ro nasambit nga fraudulent activity.
Mag-eowas kara, nakipagpueong eon man imaw sa telco players kun sa siin nagpromisa man ro mga raya nga pagapabaskugon ro ikasarang kaibahan eon ro technological ag security safeguards, kontra scammers.
Bilang kaparte it ‘awareness initiatives’ it ahensiya, makaangkon sigon it public webinar sa masunod nga domingo, Setyembre 7 kun sa siin pagatalakayon ro peligro ag kahalitan engkasong makabaton it text messages, ag kamana man ro “best practices” para protektahan ro users.
Nauna kara, bangud nga mas nagiging creative ro mga text scammer makaron hay insigidang ginmanduan it NTC ro mga telecommunications company sa nasyon nga magpatigayon it text blast para paandaman ro publiko.
Pila sa mga raya hay ro mga text message angot sa pekeng trabaho, lucky winner, ag iba pang money scams.
Ag ro pinakabag-o hay ro personalized nga mga text scam kun sa siin nakabutang mismo ro pangaean it recipient.
