KALIBO, Aklan – Importante ro aspeto nga mental ukon pagtao it haega sa mental health it sangka indibidwal.
Raya ro pahayag ni Dr. Romeo Lorenzo sangka mental health professional and psychological professor.
Pagsaysay nana nga likawan ro mga stress ukon rason it stress bangud raya hay nagaresulta sa insomia ukon negative emotions nga mahimo maging delikado.
Pangaywa, mangin positibo nga ro mga problema hay may solusyon man.
Bisan man-o sigon kalala hay may makausoy gid sigon it solsuyon sa mga raya.
Pangatlo, hay ro pag-aplikar it pagpati nga laughter is the best medicine kun siin nga mas manami nga permi nagahibayag ro sangka indibidwal.
Pagpamantaw it manami nga pelikula ukon pagpamati it sangka tukar hay makabulig man sigon.
Pang-apat kara hay ro pagkonsumo it masustansiya nga pagkaon nga makabulig sa eawas ag piniino.
Panglima hay ro pagtao it haega sa eawas ag piniino paagi sa pag-enjoy ukon pagbakasyon.
Padumdom man nana nga taw-an it haega ro mental health bangud nga “mental health is wealth.”
