Arestado ro ginakabig nga Top 1 Most Wanted Person it Kalibo Municipal Police Station (MPS) sa kasong pageabag sa RA 9165 ukon ro Comprehensive Dangerous Drugs Act of 2002.
Suno kay PLt. Julie Ruiz, Police Community Relation Officer (PCRO) it nasambit nga taeatapan, sumueod kanda ro warrant of arrest kahapon, adlaw it Huwebes, Marso 5 nga ginpasaka it Provincial Drug Enforcement Unit (PDEU) Aklan kontra sa sangka 24-anyos nga suspek.
Sa bulig it intel-gathering ag intel-networking it mga awtoridad, nataeupangdan ro lokasyon it suspek ag insigida nandang ginserbe ro warrant bandang alas-10:51 it agahon sa Capitol Site, Brgy. Estancia, Kalibo ag insigida raya nga nadakpan.
Sa makaron, una sa kustodiya it Kalibo PNP ro nasambit nga suspek ag padayon nga ginaproseso ro anang mga papeles para sa pag-atubang ag pag-turn-over sa korte.
