-- ADVERTISEMENT --
KALIBO, Aklan—Matapos ro haeos sang dekada hay naaresto eon it Banga Municipal Police Station kabulig ro CIDG-Bulacan ro top 2 most wanted person it banwang Banga ko nagtaliwan nga gabi-i it Hunyo 08, 2020.
Ro akusado hay ginkilaea kay Archie Dela Cruz, 40-anyos, sangka laborer, tumandok it Brgy. Bacan sa nasambitang banwa apang presenteng naga-istar sa Purok 6 Brgy. East Derita, San Antonio, Zambales.
Si Dela Cruz hay naaresto pinaagi sa gahum it warrant of arrest nga may Criminal Case No. 5593 sa kasong MURDER nga ginapagguwa ni Hon. Thomas R. Romaquin, Presiding Judge, Branch 2, Regional Trial Court 6, Kalibo, Aklan nga may petsang Marso 26, 2001.
Owa man it pyansa nga gintaeana ro korte para sa temporaryong kahilwayan it akusado.
