KALIBO, Aklan—Normal nga manaba ro tourist arrivals kada buean it Setyembre.
Suno kay Elena Tosco Brugger, Advisory Council Chairman it Philippine Chamber of Commerce and Industry ukon PCCI-Boracay nga makabig nga low season ro nasambit nga buean.
Pila pa suno kana sa mga factors kon ham-an nga nagsadsad ro numero it mga turista hay bangud sa ginbawasan nga international flight halin sa South Korea nga halin sa dating tatlong beses sa sang adlaw hay naging sang beses eon lang makaron.
Mag-eowas kara, apektado ro tanan sa paghina it ekonomiya it nasyon ag inflation.
Samtang, mabahoe ro andang pagpati nga sa ikatlong domingo it Oktubre hay uman nga magabaskog ro tourist arrivals bangud sa pagbalik it mga face to face nga events partikular ro sikat nga October fest.
Posible man sigon nga sa masunod nga dag-on hay makaangkon it international flight halin sa Taipei.
Ko buean it Setyembre ro domestic visitors hay nag abot sa 106,776, samtang ro mga foreigners hay naka-rehistro sa 12,513 arrivals.
