KALIBO, Aklan—Humampak sa kabilugan nga 174,364 tourists ro numero it tourist arrival sa isla it Boracay sa buean it Pebrero.
Sa nasambit nga numero, 112,621 ro mga domestic tourist; 1,988 ro overseas Filipinos; ag 59,755 ro mga foreign tourist.
Angot kara, ginaeauman pang magataas ro tourist arrival makaron nga summer season nga indikasyon it uman nga pagbalik it kapagsik it industriya it turismo sa Boracay.
Samtang sa pihak nga parte, ro mga bar owners sa front beach it isla hay nagkasugot nga magpatigayon it hold year round beach parties umpisa sa Marso 9.
Nasayuran nga mas buhi ro palibot it Boracay kapin eon sa gabie bangud sa waea-tuo nga kasadyahan nga ginaorganisa it mga hotels and resorts owner ag maging it iba pang establisyimento para sa andang mga guest.
