Kalibo Aklan ——-Owa ginaduea it Department of Labor and Employment (DOLE) ro posibilidad nga ieakip ro mga Overseas Filipino Workers (OFW) sa pagabawaeang makasueod sa Pilipinas eabi eon kun halin sa mga nasyong may kumpirmadong kaso it bag-ong COVID-19 variant.
Suno kay Labor Secretary Silvestre Bello III, ro bag-ong COVID variant hay madasig nga magkalhit ag raya ro ginakabaeak-an it Inter-Agency Task Force (IATF).
Apang suno kay Bello nga ginatun-an pa nanda ro nasambit nga posibilidad .
Sa makaron, owa pa sanda it nabaton nga report nga OFW nga tinamaan it bag-ong strain it virus.
Ro Overseas Workers Welfare Administration (OWWA) hay nagakabaeaka sa posibleng kakueangan it quarantine facilities bangud nga ro mga pauling OFWs hay kinahangean nga kumpletuhon ro mandatory 14-day quarantine.
Sa makaron , kapin sa 21 nga nasyon nga kaibahan sa travel restrictions it Pilipinas para mapunggan ro pagsueod it COVID-19 variant.
