Nagpawagan si dating Senador nga si Antonio ‘Sonny’ Trillanes nga pahalinon eon sa pwesto si Vice President Sara Duterte kaangot sa makapilang nangin batasan kara sa hearing sa kamara nga tumaeakay sa proposed budget it Office of the Vice President (OVP).
Sa sangka online post, ginhambae ni Trillanes nga bukon eamang ro waldas it P125 milyon confidential funds ro nangin impeachable offense it Bise Presidente.
Idugang pa sigon kara ro bribery ag korapsyon bangod sa pagbaton sigon it daywang cheke nga nagabalor it 14.4 milyon halin sa dating economic adviser ni dating Pangueo Rodrigo Duterte nga si Michael Yang samtang imaw hay nakapungko bilang alkalde it Davao City.
Matandaan nga sa hearing it proposed budget it OVP para sa dag-ong 2025, nagapabilin nga matig-a ro panindugan ni VP Sara nga indi na pagsabton ro mga pangutana angot sa paggastos it anang taeatapan o opisina it P125 milyon confidential funds sa sueod it 11 days.
Suno kay Duterte, uwa eon sigon nahaeabti ro mga alegasyon ngato sa ginaisturyahan angot sa budget it OVP para sa masunod nga dag-on.
Samtang una eon kara, nga nagpahayag man si Trillanes it anang kinaiya angot sa insidente ko raya eamang nga Martes, Agosto 27.
Ginhambae it dating senador nga nagapati imaw nga oras eon para mag-ililimaw nga magdungog sa mga mamalidha nga pahalinon si Duterte sa anang posisyon.
