Truck nga may kargang uling, dakop sa ginpatigayun nga operasyon it DENR-Aklan

KALIBO, AKLAN — Nagapangatubang sa makaron it nagkaeain-eain nga reklamo ro nagapanag-iya it nasambitan nga truck, partikular sa pagbayolar sa P.D. 705 ukon illegal logging ag violation of section 77 ukon transporting without permit.

Ro nasambit nga truck hay ginamaneho ni Cyril Fulgencio, 41 anyos ag residente it Brgy. New Buswang, ag kung sa siin nadakpan raya sa bahin it Oyo Torong St., Kalibo.

Nasayuran nga kapin sa 40 ka mga sako it uling ro narekober it DENR, nga kung sa siin nagabalor tanan it kapin sa P9,600.

Sa makaron nakataeana nga pagadaehon ro mga nakumpiska nga mga sinako-sako nga mga uling sa taeatapan it DENR-Aklan para sa nagakaigo nga disposisyon.