ALTAVAS, Aklan — Ginbaeabagan ag ginbutangan it karatula nga “private property” it sangka pamilya ro katunga it bag-ong construct nga tulay sa Brgy. Poblacion, Altavas bangud sa alegasyon nga owa pa sanda nabayaran it gobyerno sa andang ginapanag-iyahan nga eugta.
Suno sa tag-ana nga nagpamalibad nga magpamitlang it pangaean sa kahanginan nga agud nga mataw-an it aksyon it Departmenmt of Public Works and Highways (DPWH) hay andang ginbarikadahan ro lugar agud nga indi magamit ag maagyan.
Ginpahayag dugang nga owa sanda it naging problema sa mga istraktura nga nadaeasa it proyekto bangud nga nataw-an sanda it nagakaigo nga kompensasyon, apang ro andang demand nga mabayaran ro andang road-right-of way hay owa pa naitau.
Haeos tatlong dag-on eon sigon ro nagtaliwan nga owa raya nga gina aksyunan it DPWH kun sa siin sanda pa ro nagabinayad kara it buwis .
Ro proyekto sigon hay owa pa it proper turn over sa LGU Altavas ag owa it nagakaigo nga deed of donation.
Nasayuran nga haeos daywang buean eon nga ginsarado ro lugar.
Bukon eamang sigon it sanda ro naga demand it claim sa right-of-way kundi may limang iba pang pamilya sa lugar sa pihak nga kompleto eon ro andang mga requirements.
Sa pihak nga parte, apela it land owner sa mga netizens nga indi magtau it anuman nga komento ukon likawan ro bashing kon owa nakasayud it matuod nga isyu.
