KALIBO, Aklan—Naeowas sa pagka-eomos ro sangka bakasyunistang babaye nga nagapaligos sa Station 2 sa isla it Boracay.
Ro babayeng biktima nga una eon sa eowas nga kahimtangan hay ginkilaea nga si Terry Amar, 26, residente it Metro Manila ag nagabakasyon eamang sa isla.
Base sa report, samtang nagapaligos ro biktima, natueopangdan raya it nakabantay nga lifeguard nga si Ronel Casimero it Malay MDRRMO Boracay Lifeguard nga medyu nabudlayan nga makahaw-as sa mga mabahoe nga humbak daea it bagyong Maring.
Rason nga insigida nana raya nga gin-eowas ag gindaea sa bibi it baybay.
Matapos mataw-an it paunang medikasyon, gindaea ro biktima sa sangka klinika para matan-aw antes ginbalik sa ginatiniran nga resort.
Samtang gina-eowas hay natukiban nga buyot pa gihapon it turista ro anang selfie stick.
