Nagtaliwan eon sa pihak nga kinabuhi ro United Arab Emirates (UAE) President Sheikh Khalifa bin Zayed Al Nahyan sa edad 73-anyos.
Ginkumpirma raya it Ministry of Presidential Affairs apang owa eon nagtao it ibang detalye.
Bangud kara nagpatuman sanda it 40-days of mourning kung siin suspendido ro mga trabaho sa ministries, departments, federal ag local institutions.
Ro mga pribadong kumpaniya hay magapatuman it 3-day of mourning.
Dag-ong 2014 kat ma-stroke ro presidente ag nagpaidaeom sa operasyon rason nga ro anang manghod nga si Abu Dhabi crown prince Sheikh Mohammed bin Zayed hay gin-ilihir nga de-facto leader it UAE nga nagadumaea sa mga trabaho sa Gulf state.
Si Sheikh Khalifa man ro gin-ilihir nga bilang ikaywang pangueo it UAE ku nagtaliwan nga 2004 nga.
Bag-o naging pangueo hay naging crown prince ra it Abu Dhabiag nagdumaea sa Supreme Petroleum Council it Abu Dhabi nga nagahimu it oil policy.
Sa pihak nga parte, bilang pangueo it nasyon hay nanguna raya sa pinakamaeagko nga investment funds sa bilog nga kalibutan ro Abu Dhabi Investment Authority nga nagabuyot it kapin sa bilyong dollar sa assets.
