International News——-Gina-plantsa eon it United Kingdom government ro mga pagpahaom sa pag-umpisa it distribusyon sa bakunang himo it Pfizer-BioNTech kontra sa COVID-19.
Suno sa UK government, sa Martes nakataeanang umpisahan it andang National Health Service (NHS) ro roll out it bakuna sa prayoridad nga masobra 80 healthcare workers, care home staff, ag pilang residente.
May maabot sigon nga 800,000 doses it nasambitang bakuna sa masunod nga dominggo.
Base sa mga report, 40-milyong dose it bakuna nga himo it daywang kompanya ro gin-order it gobyerno it Britanya.
Bastante sigon raya para bakunahan ro 20-million it andang 67-million nga populasyon.
Ko kan-o eamang kat taw-an it emergency use it British government ro COVID-19 vaccine it American company nga Pfizer, nga may partnership sa Germany-based nga BioNTech.
Sanda ro unang nasyon nga magagamit it COVID-19 vaccine sa andang residente nga bukon it pinaagi sa clinical trial.
Kapin sa 50 ospital ro ginpili it NHS nga magpatuman it COVID-19 vaccination sa bakuna it Pfizer-BioNTech.
Masobra sa 1,000 vaccination centers man sa bilog nga nasyon ro nakahaom para sa nakataeanang pagbakuna.
