Makabig nga generally peaceful ro pagtapos it ulihing adlaw it voter’s registration it Commission on Election (COMELEC) Aklan kahapon, adlaw it Lunes, Mayo 18.
Suno kay Chrispin Raymund Gerardo, tapagahambae it nasambit nga taeatapan, nakalista it 2,123 ka mga aplikante kun sa siin ro 326 kara hay maghalin sa banwa it Kalibo.
Kaeabanan sigon sa mga nag-pasakop hay ro mga naga-transfer apang mas abo sa gihapon ro mga bag-ong rehistro kin sa siin kaabuan kara hay ro mga Kabataan.
Paathag ni Gerardo, manami sigon nga nakikit-ang desisdo ro mga inunga nga makapartisipar sa eleksyon.
Samtang, padayon eon sigon ro andang pagpahaom para sa nagahilapit nga Barangay and Sangguniang Kabataan Election sa paaeabuton nga buean it Nobyembre it presenteng dag-on.
